DENTRO DO PLANETARIO...

O mércores pasado, 17 de outubro, tivemos unha actividade moi interesante no cole. Estivemos dentro dun planetario e proxectáronnos un video sobre o cambio climático que nos fixo reflexionar moito... Estas son algunhas das conclusións as que chegamos:

"Todos debemos poñer o noso graniño de area, por exemplo reciclando, reutilizando e reducindo os gases tóxicos para o medio ambiente. Se o noso planeta morre, nós tamén con él, porque é onde nacemos, vivimos e sempre viviremos se o coidamos. Se non se fai nada, o planeta seguirá quentándose. Como consecuencia, os glaciares derretiranse, o nivel do mar subirá, as especies, tanto animais coma vexetais, extinguiranse, e sen recursos, os humanos acabarán morrendo coa nosa Terra"

ANDREA ROCHA

"Os humanos estamos facendo que cambie o clima, a contaminación que causamos está a facer que suba a termperatura, esta traerá que o clima sexa máis hostil con choivas máis escasas pero máis fortes. A calor fará que se derrita o xeo dos polos, e desta forma aumentará o nivel do mar causando a inundación dos pobos costeiros. A vida será máis difícil para as persoas, haberá pouca comida e máis guerras. O cambío climático fará que a vida tal e coma é hoxe, desapareza."

HUGO MATO

"O cambio climático afecta a toda a Terra. Esto débese á contaminación. Ideas para mellorar: usar o transporte público, as bicicletas ou camiñar... aínda que debido ás circunstancias da vida dalgunhas persoas, non poderían facelo, pero sí potenciar o uso do coche eléctrico, ou viaxar varias persoas nun coche... Debido ao cambio climático o tempo, e dicir o clima, descontrólase e mentres unha parte da Terra quece, a outra pode enfriar. Coidando o planeta mellora a nosa vida, e a vida das seguintes xeracións"

IRIA VÁZQUEZ