Firmamos un manifesto onde nos comprometemos a estar atentos e atentas para garantir os dereitos e liberdades das compañeiras e compañeiros que formamos parte desta clase.
A partir de hoxe, denunciaremos calquera situación de trato desigual ou vexatorio que poidan sufrir as nosas compañeiras, facéndollo saber á nosa titora. Do mesmo xeito, non toleraremos ningunha actitude machista na nosa aula e trataremos de dar unha resposta conxunta para eliminar calquera tipo de comportamento machista.
Dende a nosa xuventude, queremos aportar a nosa forza e ilusión e contribuír á construción dunha sociedade onde non haxa diferenzas entre homes e mulleres.
Por todo isto e porque queremos estudar e aprender nun ambiente onde se cumpra a Declaración Universal de Dereitos Humanos, na que se expón, no seu artigo 2, que todas as persoas temos os mesmos dereitos e liberdades sen distinción algunha de sexo, declaramos oficialmente a nosa aula e o noso grupo como...
ESPAZO LIBRE DE MACHISMO
Ningún comentario:
Publicar un comentario